Sab Rang Kehaniyan (Vol: 2) - سب رنگ کہانیاں حصہ 2 uchy burj lahore day greater results

greater results

شکیل عادل زادہ نے جب سب رنگ ڈائجسٹ کی ابتدا کی تو اُس زمانے کے بڑے سے بڑے ادبی پرچوں نے اسے نہ تو اپنا حریف تصور کیا نہ ہی اسے اہمیت دی۔ اُن کی نظر میں ڈائجسٹ میں چھپنے والا نہ تو ادب ہوتا ہے نہ اس کی زندگی ہوتی ہے۔ انھیں معلوم نہیں تھا شکیل عادل زادہ ادب میں کن تصورات کے ساتھ پلا بڑھا ہے۔ پھر سب نے دیکھا سب رنگ ڈائجسٹ نے دُنیا کی تاریخ میں ادبی پرچے کی حیثیت سے حیرت انگیز طور پر اپنی اشاعت کا نیا ریکارڈ قائم کیا اور لائبریریوں میں اونگھتی ہوئی کہانیوں کو ہر خاص و عام کی زندگی میں شامل کر لیا۔ مزید بڑا کام حسن رضا گوندل نے کیا کہ اس عظیم سرمائے کو مستقل حیثیت میں جمالیاتی ذوق کے ساتھ محفوظ کر لیا ہے۔ ایک طرح سے یہ شکیل عادل زادہ کو شاندار انداز میں خراجِ عقیدت پیش کرنا بھی ہے اور ہر طرح کے قاری کی تربیت کا وسیلہ پیدا کرنا بھی۔ حسن رضا گوندل نے یہ کام عشق سمجھ کر کیا ہے۔ یہ کام محنت اور کاوش سے انجام نہیں ہوا کرتے، یہ کام صرف عشق سے مکمل ہوا کرتے ہیں۔ شکیل عادل زادہ اور حسن رضا گوندل نے اُردو زبان کے آنگن کو اور وسیع کر دیا ہے۔ جنھوں نے تراجم کیے ہیں وہ سب بھی انسانی تجربوں کے شیدائی تھے۔ جنھوں نے بظاہر اکہری زندگی کو اتنی بےشمار تہوں اور سطحوں پر متعارف کرا دیا ہے۔ یہ کہانیاں صرف لذتِ مطالعہ تک محدود نہیں رہتیں، یہ کہانیاں انکشاف کرتی ہیں اور یہی انکشاف علم بھی ہے اور انسان کا باطن بھی ہے۔ میں شکیل عادل زادہ کو اُستاد کی جگہ درجہ دیتا ہوں۔ کئی معنوں میں وہ جگت استاد ہیں تو دوسری طرف حسن رضا گوندل گورنمنٹ کالج لاہور میں میرا طالب علم رہا ہے۔ تو استاد اور شاگرد دونوں پر میں بجا طور پر فخر کر سکتا ہوں۔ کہانی کی شاخیں ہمیشہ ہری رہتی ہیں اور یہ دونوں شخصیتیں بھی ہری بھری رہیں گی۔ ہمیشہ

Category: Humour(Mazah)

Pages: 320

کرشن چندر کے ناول پڑھیے تو انھیں اعلیٰ ناول نگار کہنے کا جی چاہتا ہے۔ افسانے پڑھیے تو خیال آتا ہے کہ یہ شخص ناول سے بہتر افسانے لکھتا ہے۔ طنزیہ مضامین پڑھیے تو یقین ہو جاتا ہے کہ طنز و مزاح ہی ان کا اصل میدان ہے۔ اس بو قلمونی سے انھیں نقصان بھی ہوا ہے اور فائدہ بھی۔ نقصان یہ ہوا ہے کہ کبھی کبھی ان کی تینوں نقابیں چہرے پر اِس طرح چڑھی ہوئی معلوم ہوتی ہیں کہ ایک دوسری کو پوری چھپاتی نہیں، جس کی وجہ سے ایک انتشار اور بےتنظیمی کا احساس ہوتا ہے۔ ’’گنگا بہے نہ رات‘‘ اسی قسم کا ایک ناول ہے جو مختصر افسانے کی طرح شروع ہوتا ہے اور طنز و مزاح سے ذرا ہی ذرا بچتا ہوا فلمی کہانی کی طرح ختم ہو جاتا ہے۔ اپنی تمام پراسراریت اور دھندلاہٹ کے باوجود ’’گنگا بہے نہ رات‘‘ کی نثر شاعرانہ نثر ہے اور جگہ جگہ ’’شکست‘‘ کی یاد دلاتی ہے۔شمس الرحمٰن فاروقی

Sab Rang Kehaniyan (Vol: 2) - سب رنگ کہانیاں حصہ 2 uchy burj lahore day greater resultsPages: 368 Category: Short stories Sab Rungh Kahania Digest Stories